白血球達標了

自從得知白血球未達標後，那個星期每天一杯奶粉、兩隻蛋白、五穀全麥包、有機黑豆豆漿、香蕉、蘋果、橙、士多啤梨、奇異果、提子、蕃茄薯仔魚（或西施骨）湯，好努力食野，菜呀！三文魚呀！肉呀！甚至連牛肉雞肶都破例吃過了，總之食得就好食！也好努力去休息，可以的話就訓個晏覺，晚上十時許又好去睡，休息多D希望有助製造白血球嘛！:)

敝莊主從前努力的指標是游踩跑，如今努力的指標竟然是食和訓，真是世界變！都唔知發生咩事？！=.=

2013年4月16日（星期二）抽血+見醫生

今早又返QE抽血，超順利！幾乎等都不用等，第二個便到我了，話咁快又抽完！還碰到以前對面床的院友阿華，拿拿林問她取了電話以便聯絡！:D

我原本諗住去個廁所才抽血的，但既然抽完都未去，不如磅下重先去啦！重少少都好嘛！:P

哎呀！好感動呀！體重升番啦！由上星期的50kg升番去52kg喇！這個食和訓的策略好似掂啊！^0^

還有四個幾鐘才見醫生，咁做咩好，回家再出來？不過今次團契的Candy都有陪我來，那就在醫院磨吧！上次在Canteen磨，吃完早餐再吃午餐！今次在Pacific Coffee磨，我吃完菠菜磨菇蛋批，過了一會再來個煙三文魚碎蛋三文治！（食得就好食呀嘛！:P）

這個朋友真夠義氣！上次她知我會帶帽，她也帶帽來；今次知我會用頭巾，她也帶條頭巾來（雖然只是影相之用）！算有義氣！:D

磨了不知多久，我們又去資源中心玩飛行棋和波子棋！夠鐘就落番去等見醫生！

今次是個女醫生，她說：「今次白血球夠，可以做的了！」
我問：「咁係幾多？」
她說：「7點幾...」
我說：「下？7！」心想突然又升得咁勁呀？上次才得1！
她說：「總之在個range內就可以，不是多就好架！」
我問：「咁幾時做？」
她說：「聽日可以的了！在日間化療中心，不用住院的了！...另外，由20號開始，一連7日到屋企附近的診所打白血球針，一陣姑娘會比資料你的了！一陣藥單會寫埋，咁你返到屋企放在雪櫃，不是冰格呀！每次帶一盒去！至於診所地址，一陣姑娘會比你！」

起初都不以為意，打針？照道理都是吉一下的事啫！後來才知原來之後會周身骨痛！因為白血球在骨髓製造，所以當它在骨裡走出來時就會覺得痛！哎呀～！聽到我心都寒！還要7天？！天呀！虐待呀～！~>0<~

我記得之前醫院比過止痛藥我，不過我從來都沒吃過！咪喇！搵番出來防身！以前敝莊主錫身唔鐘意食chemical污染身體，有病勁少去看醫生，止痛藥都沒怎樣吃過！但現在乜幅射、毒藥、類固醇都打晒入來，還會在乎那些止痛藥chemical嗎？！

其實我已經開始揣摩到提升白血球的方法，怎麼這麼快就決定我有此需要呢？難道是因為我上次三個星期的白血球才回升到1，那即是首兩個星期時可能更低所以有危險嗎？！:'(

之前想到又要做化療就會想起又要去死一次，因為據上次經驗是會死三天！但今次的注意力倒放了在三日後那7天怎樣過...... >.<

我唔鍾意打針架～！>0<

但肉隨jump板上，都冇計！那...... 來吧！可能不是傳說中的咁恐怖呢？:P



上一篇：白血球不達標
下一篇：第二次化療