日期：2012年6月3日（星期日）
地點：科學園
賽程：Course A（半奧距離）
賽前10天，敝莊主炒車！之後什麼操練也停了！不過還是只擔心會否冇得參賽？:'(
賽前4天，姑娘說可以參賽，但要貼著「豬油膏」+防水膠水保護！只要有得玩就得了！^0^
1. Swim 750m (2 laps)
比賽當日我是最早那批出發，6:00就出發了，我5:50才跑到過去游水的起點！哎呀！死啦！我兩個星期沒游過水了，比賽10分鐘後開始了！我掂唔掂架？！拿拿林落去試下先啦！>.<
不出所料，又是游了幾步便嚇到爬番上岸！屎啦！沒時間適應喇！...咦？原來不是在這條樓梯落水？問人起點在哪？之後唔得理咁多啦！得番5分鐘，唔掂都要再去游下啦！
一落去就游了去個浮波度，然後把心一橫，還是這裡等好了，反正大家都陸續落水了！:)由於敝莊主不識踩水，所以就攬住個浮波死都唔放喇！:P
雖然有幾次擴播叫人不要hold住個浮波，附近的賽員知我不懂踩水都叫我不用理，叫我不然就hold住條浮波條繩喎！XD
出發後，跟附近的賽員撞來撞去幾下後，所有人已經煙消雲散，消失得無影無蹤了！...乜我真係慢成咁？！o.O
我一開始未習慣，什麼都不對勁似的，節奏亂！呼吸不太暢順！後來拉低前面條拉鍊少少，舒服些！後來泳鏡又有少少入水，我hold救生艇整了整！=.=
游游下又不知該朝著那一個浮波，問「常伴左右」的救生艇：「邊個浮波先係呀？」奇怪我明明不識踩水，點解我可以棟係度同佢講野？！XD
救生員說：「你游住先啦！可能未set好！」下？點會呀？！o.O
一直游，覺得最遠的浮波游極都未到，已經覺得很hopeless！周圍又冇晒賽員冷清清咁！游一個圈都有排啦！仲要兩個？！我可以嗎？:'(
但如果我不繼續游就會DQ的了，事到如今唯有頂硬上啦！最多慢既啫！:')
由第二個最遠的浮波游去終點方向時，同時間出發的人已經游第二個圈，在我身邊擦過了！游游下見到Ginny在身邊游過添，不過她應該沒留意我！
用龜速游了一圈後，大部份人都上水喇！我有一秒都想過不如上水啦！但... 敝莊主不可以這樣沒有體育精神！就算沒有sensor check到都不能取巧！所以鼓起勇氣再來一個啦！:D
經過起點，下一批人已經standby準備出發的了！我有少少肉酸地繼續游我的第二個圈！:P在我未返到終點前，已被下一組出發的人過，甚至過了兩次！因為我發現他們有些比我更早上水！XDD
怎樣也好，終於完成上來，總比一直浸在水裡好！我覺得我比人家花了更多氣力和時間去游，其實上來的時候已經很想死！@@
謝謝TT我一上來就greet我，說：「你可以完成750米已經很了不起！」謝謝！這兩次比賽上水後都聽到他這樣說，在神志不清中感到點點安慰！:')
之後見到「定向叛徒」，我說：「我想嘔呀！」不知是否在水中掙扎太耐，好像有點不太舒服！=___= 他說：「唔係呀嘛？」
去到轉項區見到老貓，他說：「慢慢來啦！抖順條氣先！...岩架啦！你架車現在是細餅，踩順左先啦！」難得他還有閒情逸緻理我？！他不是一會兒要去跳海嗎？！
2. Bike 20K (5 laps)
上星期炒車後，心理上始終都有些陰影！再次穿lock鞋踩車，起初都覺得沒問題，以為可以如常地踩啦！:D
但第一次u turn時，發現附近有好多車呀！大家都減晒速，一堆車係度好驚呀！我冇位攝呀！最後小心翼翼地u turn後鬆了一口氣時，聽到後面有人炒車！賽員驚呼，工作人員在叫：「小心呀！」我沒回頭望，但已經開始識驚了！>.<科學園相對上路闊，有兩條車路，但那些「串串快車」為何不用隔離lane爬頭，係要在我隔離過？！嚇到我半死！我寧願慢些給你快些過，但過完一串又一串，有時甚至會有車在我左邊過？！我就黎心臟病發喇！@@
到廁所位那個u turn，又是一堆減晒速的車！好驚呀！我好怕零速冇得踩呀！不過這個位幾好，不夠位轉的話可以踩多幾步才u turn，不用迫在一起！:D
 |
| Surprised地發現有人會勾我車！:D |
踩踩下水哥經過叫我，我見他速度不太快，我想他是想我勾他車，我以前一定會勾，但今次唔得呀！好有心理障礙呀！你由得我吧！>.<
好像是第四個圈時，鄰居在我身邊過，可能見我好像在郊遊般，說：「比力踩至得架！」我叫：「我好驚呀！」>_< 咁就快又u turn嘛！慢些安全些好！
每次u turn都額外緊張，陰公我總共精神衰竭了10次！@@
Thanks God終於平平安安踩完五個圈了！睇番不同人影我的單車相，冇一張笑得出！大部份都神色凝重！:P
3. Run 5K (3 laps)
將單車放回轉項區後便跑，發現未除手套喎！於是一邊跑一邊除，經過自己個位的時候便擲入去！見到Ginny在轉項區，她驚訝地問：「你現在才跑？！唔係呀嘛？！」依～！好衰架！上次新娘潭英俊又係咁問，現在她又是這個反應！我說：「咁人地游得慢呀嘛！」=____=
跑步是最後的環節啦！心想這應該是最安全的一項了吧！可以全力去做喇！不過..... 好似唔係幾跑得郁咁！是因為今次賽前操練不足嗎？T_T
想起上次新娘潭時有阿Lok和我一起跑，原來有人陪跑會有多些動力的，突然都想有個buddy陪跑添！不過沒有，唯有找前面的賽員做目標吧！:)
一路跑，相繼地碰到不少認識的臉孔，好開心地逐一say hi或打招呼！甚至互勉加油！:)跑了兩個圈，好開心終於最後一個啦！碰到剛跑第一個圈的Anson，這是他第一次玩三鐵！他見到turning point B，正猶豫是否在這兒turn？我叫他繼續向前跑呀！Turning point A先係呀！
終於turn返終點呀！即就快完成喇！有盼望喇！想想都開心，忍不住一邊笑一邊跑！謝謝火兄影到我正在傻笑的一刻！:P
衝終點那一百米好好玩！我擠身在幾名男賽員中，大家都差不多速度！我身邊一名賽員，他見我狂衝他又衝，我見他衝我又再衝！好好玩！哈哈！^0^
一過終點，工作人員便給你掛個Finishing Medal！Yeah～！
今次大會的起點、終點、取紀念品、頒獎全都堆在那個area，所以好擠迫，感覺麻麻地！所以勉強有個位跟在附近識的人影了張相後便走了！
之後經過廁所位見到老貓！恭喜他終於完成到他第一個三鐵賽事喇！他第一次參加時游了10米就因大浪膽怯而坐艇返岸，第二次病了DNS，今次他終於可以克服游海喇！他所付出的努力和堅持值得欣賞！所以敝莊主送出............「貓糧」以示鼓勵！XDD
 |
| 我走後大家影的大合照！:) |
 |
| 送給老貓的「貓糧」 |
成績
Swim 41:22 / T1 4:55 / Bike 47:27 / T2 2:54 / Run 28:41 (Total 2:05:16)
我自己都嚇了一跳！我是游得慢，但都不是慢成咁嘛！上次都是30幾分鐘之嘛！幸好有幾個人告訴我游水長度長左，至少有800米，有人的GPS錶甚至顯示有840米！咁加埋我有游偏了呀！或者我游了850都有喎！（唯有這樣想會好過少少！不過我後來發現，原來全場有人比我更慢喎！:P）
其他兩項都麻麻地！但總算完成了第二次的半奧距離，應該接受和欣賞自己！（阿Q突然上身！:P）
感想
敝莊主踩車一年多，從未如此驚過！其實最近那次炒車，傷勢相對上比以前的為輕，但為何影響卻這麼大？還是只是適應期太短所以未能recover過來？
另外，自己好像調節不到期望與心態！最初擔心傷口未癒合不能參賽，當時只期望可以參賽就夠了，就算沒得操練也算吧！到最後真的可以如願參賽時，卻又似乎因各方面的狀態不好而不太滿意！賽後甚至一直...... 有點失落！我是否有點矛盾？
但失落過後，敝莊主總會再接再厲，重新振作和起步的！期望下一次可以更好！:)
 |
| 火兄的傑作！:) |
我的三鐵比賽小檔案
第一次：2011.8.28 2xTri：科學園（繽紛組）
第二次：2011.9.25 Sportsoho：科學園（繽紛組）
第三次：2012.5.6 BOC體育節：新娘潭 （半奧）
第四次：2012.6.3 香港人壽三項鐵人賽2012：科學園（半奧）
