地點：淺水灣
時間：8:50am
賽程：Sprint (Swim 250m, Run 2.5K, Swim 250m)
面對著這天的來臨，敝莊主一點緊張的心情也沒有！因為........... 我好肯定我又會是游得最慢那個！還要游兩次，我可以有什麼期望呢？！>.<
不過，作為阿Q傳人一號！怎樣也要找點樂趣給自己吧！:P
沒有和別人競爭的能力，那就和自己鬥吧！嘻嘻！
嗯！敝莊主游海的龜速是4分鐘100米，因為浪呀！游偏了呀！所以比在泳池游還要慢！...250米要當300米，那麼，希望可以在12分鐘內游完啦！至於跑步，比夠自己15分鐘啦！:)
比賽當日，來到淺水灣，始終有來送死的感覺！心情還是雀躍不到！=.=
循例都要先落去試試水吧！游了幾次，見嚇唔死又浸唔死，到時再算吧！:)
Swim
鳴聲在沒心理準備下突然響起！下！開始了？！o.O
咁要帶好泳鏡先，哎呀！個個都在跑喇！死啦！一陣泳鏡唔好入水呀！>.<
唔理喇！個個都跳下去了！我都要死落去喇！勇士一號來喇！
游呀游！怎麼好像不見個橙色浮波的？我是游偏了？還是視力有問題？！...咁繼續游住先啦！幸好有上一組的人跳下來游第二轉，發現有人的蹤影就可以跟住先！:)
浮波終於出現了，亦因為附近有人游第二轉的原故，偏差不算太大地返回岸了！:)
沒期望的比賽，一按錶發現時間用了11分幾，下？真的在12分鐘內？！哇哈哈！阿Q傳人一號立刻開心笑了！哎呀！好感動呀！XDD
Run
在轉項區掛了號碼布，帶番頂帽，拿著對鞋和一支沖腳水，打算離開沙灘區才穿鞋！跑呀跑！突然聽到有人說：「呢度得啦！呢度著啦！」望下塊地，OK喎！好啦！
其實當時都不太清楚有什麼人在，聽到水哥話我好優悠，問要不要遞埋毛巾給我？我還笑說：「都好喎！」Ginny阻止水哥，說：「你咪呀！會DQ佢架！」係喎！咁唔洗了！
我應該是同組的最後一個起跑吧！沿路已經見人回頭跑的了！不過唔緊要啦！阿Q見自己仲有氣有力跑，已經滿足的了！我會比心機跑的！:)
跑完按錶，咦？14分多？嘩啦啦！在15分鐘完成呀！阿Q又帶著滿意的笑容繼續去下一環節喇！^0^
Swim
放低太陽帽又換番泳帽帶泳鏡，來到海邊，唉呀！海大哥！我又來喇！游呀游，有D野fing fing下咁既？哎呀！我未除號碼布呀！好低能呀！>.<
今次游，嚴重游偏！去第一個浮波如此，返岸那程仲偏！
上岸後Ginny說：「你讓賽呀？終點在果邊喎！」我要向左跑一段先入回正軌！@@
望望錶，12分幾喎！哎呀！唔達標添！鬼咩！偏左咁多！:'(
總結
一場原本一點心情和期望也沒有的比賽，最後給敝莊主的阿Q精神帶回點歡樂！原來... 歡樂是可以自製的！:D
我開心... 因為我可以在預計的時間內達標！
我開心... 因為我跑得郁！
去年第一次參加水陸賽，目的是想有第一次的游海比賽經驗！賽前全時間都放在游水，結果比賽時都跑不動！最後雖然完成了第一次的比賽，但卻沒有如期的興奮，反而...... 很失落！
今次，雖然我仍是包尾，但我開心！:)
因為，只要我努力過，就算我是最後一個回來，我都會為自己感到自豪！^^
我的水陸賽小檔案：
第一次：2011.7.10 淺水灣
第二次：2012.7.8 淺水灣
