地點：新娘潭
時間：7:05am
賽程：半程挑戰組 swim 1K, bike 30K, run 8K
一直都沒打算參加這比賽！直至截止報名前幾天，心想自己游水咁雞，要否報個水陸兩項當是下個月ITU前一個熱身？問朋友意見，他說若是他的話就報三項，「踩得屎...唔等同踩唔到！」又好似係喎！咁......好啦！試下啦！:D
但賽程方面，這個比賽又有點奇怪！半程組的話又長過半奧距離，但又短過奧運距離！繽紛組的話又短過我今年玩的半奧距離！最後，報了個半程！雖然游踩跑都比以前長了，但至在完成啦！粗略估計，我想我要三個鐘！:)
 |
| 529，是「唔易搞」？還是「唔易狗」呢？:P |
上次的中銀三項鐵人賽在水上活動中心那邊游，今次在士多對出的碼頭！在岸邊已經聞到一陣臭味，一陣要跳落去游？！o.O
今次的起點在落水附近，我聽到10秒後便開始咪拿拿林落水囉！點知10秒後都未開始，反而因為落水的位置在起點線前面，大會人員等所有人在旗仔線後面才倒數！
我蛙過起點線後，再亂咁郁來郁去都叫踩到水喎！哇哈哈！XD
是日游一個三角形！在一堆船的外圍游！
一出發！咦？D人咁快又唔見晒既？！（即是我慢囉！）:P
不要緊！我已經好習慣一個人游！...其實一開始游，樣樣都很混亂！呼吸呀！節奏呀！游了100米都好像都很不順，如何游一千米？！我真的可以嗎？:(
這些時候，又是自己跟自己說話的時候！「一下一下游，最多慢啫！點都會游到過去的！先朝著個橙色浮波去啦！」
終於游到第一個浮波了！即游了三份一啦！繼續努力呀！:D
感覺去第二個浮波好像近一點！好！最後游返去終點啦！但我見唔到個浮波喎！淨係見到起點那個和彩旗！咁... 上岸都是在彩旗側邊上，即是朝著彩旗的方向都可以吧！
就快到岸的時候，有隻救生艇過來說：「小姐，要過去第5號浮波呀！」我問：「邊度呀？」較近岸的一隻救生艇對我前面隻救生艇說：「你遮住左人地呀！」後來才見到個訓低左的浮波！=.=
終於上岸啦！Yeah～！^0^
聽到大會人員對下一批賽員說：「我地等埋佢地上水就開始喇！」我跑上樓梯時所有人都在歡呼拍手，這個貴賓式的招待是游得最慢人士的bonus！哈哈！大會人員繼續說：「睇佢係咁既情況之下，唔跑都唔得啦！」嘻嘻！我還一邊跑一邊向大家揮手！XDD
多謝Jason拍下有人游得慢過我的證據！XDD
Bike 30K (2 laps)
大會真孤寒！舖地的綠地毯咁鬼少！淨係上水之後那段小小路有，整個轉項區都沒有！赤腳跑咁長好吉腳的嘛！>_<
如常地我那區得番我一架單車！今次我穿波鞋，因為我想試下踩那400米，不知什麼環境，所以穿波鞋以防萬一！
到了上車處後，要踩快些，上番重些腳，衝上去呀～！:D
然後一個一個波再落番黎踩，最後，哎呀！最輕腳了！我...踩...踩....踩.....！>.<
呀～！上唔到喇！我用晒我全身的力去，兼且我條後腰好痛呀！今次唔只右邊痛，連左邊都痛埋，我都係要落車堆！我想我差100米左右就上到頂的了！:'(
之後是落斜，正！唔洗踩！可以抖一陣！:P
比賽前幾星期來踩過一次，那次踩斜路都不覺得這麼辛苦，為何今天感覺吃力了？！之前游了1K水真的有這麼大分別嗎？！...上次由鹿頸u turn踩上去，慢慢踩便上到了！今次踩極都...仲未到既？！@@
頂下頂下便踩完一轉了，又衝番落去再來第二轉！Yeah！衝落去最爽！:P
 |
| 好喜歡Daniel影的相，謝謝！:) |
敝莊主第二轉由鹿頸再上斜路，精神開始失常！之前都會心裡哼些「正路」的歌來勉勵下自己，但接著不知為何會變了唱：「人人期望可達到，我的快樂比天高...」開始痴線！XD
然後又想起一個低能版本：「人人期望嘔白泡，嘔得多就死得早...」啋啋啋～！唔勵志！都是再來過 ：「人人期望可達到，我的快樂比天高...」哈哈！
踩踩下，突然見到個上得好辛苦的賽員！Bib 530！同組賽員？！我咁遲上水都仲追到人？哇！咁踩多兩腳先！嘻嘻！我走先喇！:P
一路上我好像不停地自言自語，見到有個其實速度差不多的人爬我頭，我心裡哎呀了一聲，後來有機會過番佢頭，暗自又高興了一會！:P
總之，其實我有幸自己踩兩轉，第二轉已經精神失常，踩多兩轉可能會顛埋！XD
其實整個過程中，心裡亦感恩前幾天練的飲水神功和用下手踩的技巧都可以用到出來！而且，忽然很認同我朋友那一句「你係屎但唔係踩唔到」！又真係踩到喎！:P
衝完那400米下來很快便要停車了！其實如果可以轉埋個彎先減速停好像自然些！
Run 8K
推著架車返轉項區，心想可以食gel喎！一隻手推著單車跑，另一隻手拿住包gel，咁點開呢？
野人時間開始，用口扯開囉！XDD 隊晒包gel仲可以飲埋在單車上未飲完的寶礦力！食完飲完才回到轉項區泊車，冇乜點浪費時間！:D
然後跑上斜路才到條霸！是日天氣又熱又曬，兼且剛踩完車好像腳軟中，跟自己說：「未適應啫！先慢跑，一會兒會好一點的了！」
一邊跑的時候，口水鼻涕一齊來！野人時間又到，右手擦完到左手，擦呀擦呀！仲未乾？冇位擦喇？！:P 哎呀！我幾時變得咁核突架？！咁冇資源就係咁架啦！XDD
上次玩中銀三項時有很多水站的，今次...... 唔見既？！o.O 直至跑到近霸尾才有一個水站！有一支支水和一支支橙汁，亦有幾杯用紙杯裝著！工作人員說可以成支拿走！但我只是飲了杯橙汁！
霸之後向左繼續跑，之前中銀那次是跑到某一個位便u turn，今次要繼續跑到尾，去到碼頭喎！未跑過咁遠，沿途見對面好些人都在行，後來見到Benson都行？！我說：「慢跑啦！」他說：「唔得呀！@@」後來我明白為什麼了！
原來繼續跑是有uphill and downhill，我在碼頭u turn後拿了支水，飲了些又倒了些在頭頂降溫！然後要上斜，真係好辛苦呀～！我都頂唔順了！@@
另外，我兩隻腳掌都好像磨損了，痛！>.< 返回霸之前那段路真的很難捱！:'(
經過剛才的水站，下？！收了檔！冇晒水了！o.O唔緊要啦！捱到的！條霸夠直，遠遠都可以望到終點！唯有跟自己說：「就到喇！就到喇！前面見到啦！」（其實見到都仲有2K！）>.<
沿路在救傷站見有人抽筋，在霸有白車，有人疑似中暑！我......還頂得住！雖然我都開始打冷震出雞皮，中暑先兆？另外，腳掌雖痛但還可以忍受，保持著速度向終點邁進！I said I want to finish with dignity! Yes~! I did it! \^0^/
我不知Jason有影我衝線的一刻，是日由於敝莊主的御用攝影沒有來，我不想連一張相也沒有，所以想叫Jason幫我影相！但我那刻好辛苦講唔到野，用手語指手畫腳一餐叫他幫我影！XDD
以為返到終點會有水派，怎料沒有！o.O
自己按錶的時間
Swim 37:29 / T1: 4:19 / Bike 1:32 / T2 3:46 / Run 49:39 / Total 3:07
賽後感
好辛苦！回到家沖個涼再去吃個飯後，然後全面癱瘓！第一個whatsapp是找我家御醫個秘書約個時間，我條腰好痛，其實都數不出身體那一忽沒事！兩隻腳掌起了水泡，還有好幾處刮損了的地方！
這是我參加的賽事中最長最辛苦的一個，但完成了，我還是很開心！雖然我慢，但原來我真的可以做到！:')
 |
| 自己用photoshop加工寫時間上去的！ |
我的三鐵比賽小檔案
第1次：2011.8.28 2xTri：科學園（繽紛組）
第2次：2011.9.25 Sportsoho：科學園（繽紛組）
第3次：2012.5.6 BOC體育節：新娘潭 （半奧）
第4次：2012.6.3 香港人壽三項鐵人賽2012：科學園（半奧）
第5次：2012.9.23 爽浪三項鐵人挑戰賽2012：新娘潭（半程）
