Fat Choi Run 2013

日期：2013年2月12日（年初三）
地點：山頂
時間：8:00am

兩年前第一次跑發財跑，今年是第二次！可能有運行，所以今年竟然攝到個位來跑喎！:D

估唔到行到邊都會碰到認識的朋友，包括定向和三鐵的朋友，但之前又沒聽聞大家有報啊！o.O

見到火兄，真驚喜！連續三星期的賽事都見到他來影相呀！:D

我已經大半年跑步沒有聽歌了，年初一時在家悶到發臭，運動場和泳池都關閉沒開，我悶到忍不住碌落街跑，當儲里數也好，散心也好！終於搵番個mp3來邊跑邊聽歌！好耐沒跑步時聽歌了！:D

所以，發財跑都忽然C忽痕袋埋部mp3，諗住可能會跑得開心D嘛！嘻嘻！:P


財神都跑步！^^

每次跑步起跑時都未摸索到應有的pacing，怕跑得快得濟後段冇油，但又怕留得多得濟拖慢了！開頭跑到有點喘氣！@@

跑了幾百米覺得口乾，幸好件衫後面個袋放定粒得力素葡萄糖作「解渴丸」！:D

上次跑的時間是42分，今次希望可以在40分！:)

上次來跑時有一路跑一邊影下風景相留念，所以今年可以專心跑了！其實跑過一次，開始心裡有數一會兒的路會是平或上斜，和大概跑了多少！:)

最後那段斜路真的很斜，原來一上完就是終點的了，早知再勁爆埋佢啦！...下年啦！:P

過了終點按錶看時間，39:08？40分都不用喎！:D

但...... 翻查紀錄，兩年前真的起碼有7.5K喎！今次我隻錶顯示得7K咋喎？！o.O　

敝莊主自從換了電話後都沒帶過電話跑步，但今次我竟然...... 有呀！XDD

我發現我條褲後裡面有個很大的袋，可以放到電話的！咁辛苦袋住個電話做乜？是因為我想影相呀！兩年前我們三個Do Re Me一起影相，今年再來Do Re Me仲有Fa添呀！:D

2011（兔年）的Do Re Me

2013（蛇年）的Do Re Me Fa

今年有些賽員穿得很有特色來跑，為節日帶來了些歡樂的氣氛！:)

明年都要再玩過！:)



我的小檔案：
Fat Choi Run 2011

Duathlon 2013 (Race 2)

日期：2013年2月3日
時間：7:00am
地點：科學園
賽程：Course A (Run 3.2K, Bike 20.3K, Run 3.2K）

和上一場一模一樣，地點和賽程都沒變，敝莊主覺得這是個很好的機會作對比，看看能否快過上一次！:)

上次我已經很盡力，要快過上一次我覺得一點也不容易，有什麼地方還可以快些呢？我想... 轉項吧！o.O

上次踩完車換跑鞋很慢，把心一橫，用番再之前的鞋，換上橡筋帶，看看會否穿得快些！然後反覆地練習十次廿次後，就穿這對舊鞋吧！:)

而練習載頭盔都反覆練習了十次廿次，務求練習到機械式一載就準確無誤地扣上！

賽前還有什麼可以做呢？tune好架車、massage下對緊腳、休息夠些、星期五晚睡好些、星期六下午小睡片刻、星期六晚不在外面吃飯免肚痛、執好比賽用品...... 可以做的，我想都差不多做了吧！:)

然而，有些事情仍是不能預計，就是比賽當日，我賽前廿分鐘才趕到！@@

推著架單車跑去轉項區，已經當是熱身的一部份！拿拿林取race pack和寫body mark，跑回去轉項區setup，哎呀！天色昏暗，貼在頭盔的labels看不到個撕位呀！越急越亂！我幾乎向附近同組的西人賽員求救的了，幸好Ryan路過，很冷靜地幫我撕和貼labels！:')

之後到教練出現，幫我整大些對lock鞋的鞋口位，方便著鞋喎！他叫我去起點附近跑下warm up，我說：「warm乜鬼？冇時間喇！我諗住跑去廁所當warm up喇！」>.<

去完廁所，都未回魂，去到起點，差不多要開始了！@@

Run 3.2K (2 laps)

一個未回魂的痴呆樣 @@

起跑了！我今次腦袋空白一片，什麼鼓勵的思想和振奮的歌曲也沒有，真的很空白，就這樣繼續向前跑！@@

跑跑下，咁快口乾既？！哎呀！剛才飲了一啖寶礦力就跑過來了！見到第一個水站，但又覺得飲水晒時間，上次都冇飲過啦！返到轉項區先啦！

但當見到第二個水站時，都係飲少少啦！^_^!

上次我很有明確的目標跟著差不多速度的人來跑，也很有堅毅的精神，今次... 怎麼總是不在狀態似的？！@@

Bike 20.3K (7 laps)

今次轉項順暢左，頭盔一載就得，挽埋對鞋就走，去到上車處穿鞋，都很順暢！（這個穿鞋的動作我也在家反覆地練習了很多次！）^_^!

踩了一個圈、第二個... 哎呀！上次由第二個圈開始一直有車勾或有目標追，今次... 咁淒涼既？！@@

再踩多幾個圈，天呀～！好寂寞呀！為何方圓幾里沒車架？！踩得好辛苦呀～！我幾乎想哭呢！兩邊後腰又痛喇！:'(

間中曾有機會勾過一陣，但大部份時間都是自己踩多！=___=

我本來每個圈都有數住，但將踩完第6個時，人都開似迷糊，而條路又冇乜車？！乜個個都踩完喇咩？我就算不快都唔係慢到D車清晒場嘛？！o.O

心裡開始動搖，難道我數錯圈？我踩了7個圈自己都不知？！望下隻錶，total time用了55分鐘，我當跑步用了15分鐘，40分鐘我應該係未踩完喎！還有轉項呢？幸好那刻個腦仲識計下數，咁繼續踩啦！:P

Run 3.2K (2 laps)

踩完車，這個除鞋的動作我都有在家練習過架！所以都很順暢！XD

掛好車，除頭盔，穿跑鞋！走得！:D

今次沒企圖抽筋，也沒有像上次那樣跑不動，但就沒有了目標人物激發起我的小宇宙，有點洩氣......

一邊跑一邊留意對面同組的賽員，數下數下，我好像是第四個？差咁多條街，追唔到啦！

今天真的沒什麼狀態也沒什麼鬥志，但都盡力去完成啦！

最後400米，我和一名女賽員平排跑，她加速時我也加速，大家都咬緊對方，見到終點喇！頂埋佢爆埋佢啦！大家互相扯爆，大佬我就爆偈架喇！最後10米她還可以再發力衝，我冇喇～！結果她快我一秒！>.<

望望她的bib，都不同組！好彩！唔係dum心口dum死！:P

David Wong說：「你咁就讓左個位比人喇！」「都唔同組～！！」

Ginny說：「有乜理由你最後收步架！」唔係我收呀！係佢仲有得爆，我冇貨喇！>.<

D無良人總是要在人死的時候來影相！

後來睇番Garmin Connect，之前平均速度都要5分十幾，最後那400幾米爆到上去avg pace 4:18，衝線一刻更去到3:16！痴線架！@@

但謝謝這位不知是誰的賽員，讓我整天在混沌的狀態下突然感到自己存在過、精彩過！雖然只有400米短暫的時間！哈...哈...！:'D

成績公佈

cool down下來時有點寒意，所以返回轉項區拿外套，順便拿相機幫見到識的人影相吧！

後來在終點蒲，突然聽到我個名！下？唔係呀嘛？難道有獎？立刻跑去看成績公佈... 哎呀！真是呀！第三名呀！很驚喜呢！忽然開心晒！開心到攬住在附近的Ginny！^0^（妳唔好彩囉！鬼叫在我附近，咁岩高度又順手！其實我可能那刻見到識的人就會攬的了！嘻嘻！:P）

Ginny說：「好囉喎！我覺得我比人侵犯！」

我說：「我又冇摸妳，攬下之嘛！」=3=

1st: Karen Lui, 2nd: Pixie Thornton, 3rd: Laichi

這個獎對於我真是喜出望外！:')

教練說：「成日都係攞第三，唔悶咩？」當然不會啦！很久之前我聽過一個調查報告，攞第三的快樂指數是最高架！因為一線之差就冇的了！:P

阿Q傳人一號永遠都會找到開心的理由的！XDD

謝謝教練教我防止落車抽筋和繼續跑得郁的秘技！不過，其實可能都不是什麼秘技，是我一向做埋D白痴野搞到自己抽筋啫！哈...哈...！^_^!


Race 1: Run 16:18 / T1 2:40 / Bike 44:22 / T2 1:53 / Run 18:22 / Total: 1:23:34
Race 2: Run 16:19 / T1 2:23 / Bike 44:25 / T2 1:45 / Run 18:03 / Total: 1:22:52

整體上都有進步，轉項快了很多喇！單車是慢了3秒，但冇車勾冇目標追，都算係咁囉！Run 2全靠最後400米比人扯番快！

這可能是我今年最後一場陸上兩項，遲些有水陸賽和三項，水是我最弱的一項，但我都會全力以赴的！:)



我的陸上兩項小檔案

1. 2012.2.12：科學園

2. 2013.1.13：科學園 http://laichili.blogspot.hk/2013/01/duathlon-2013-race-1.html

3. 2013.2.3：科學園