時間：6:30pm
完成所有化療的療程後要做一次PET scan，看看癌細胞是否已被消滅了！第一次做時在私家醫院，今次在政府醫院做，比較一下先！:P
做PET scan需要在6-8小時前禁食，在私院做時的appointment是12:30pm，那次我基本上晚上睡前已沒吃東西，故印象中4點幾放番出來時餓到我死，未來得設看menu叫餐時已塞了幾個自家製的包落肚！今次在6:30pm，我計好在12:30pm前收口囉！:P
 |
| 有之前餓死的經驗，今次要吃飽好上路！XD |
姑娘叫我換衫，很久沒穿上這「制服」了！然後給我一樽水，叫我飲得幾多就飲幾多啦！老公又拍照為我留「倩影」，還叫我要笑得開心些！=.=
之後姑娘叫我入房拮個豆！
姑娘：你那一邊有事的？
我：左邊
姑娘：咁拮右邊手啦！
我：哦！
姑娘：咪住！報告係話兩邊都有喎！咁唔可以拮手喇！腳啦！
我叫：咩話？！腳？聞所未聞喎！咁得人驚？！
姑娘：冇計！報告係咁寫，如果我拮手會比醫生話架！我：下？咁痛唔痛架？
姑娘：痛架！
我：夜媽媽你咪嚇我啦！...咁拔走個豆時點按著止血呀？
姑娘：屈住隻腳咪得囉！
我：係喎！但... 咁粗魯？！
姑娘：除鞋除襪棟隻腳上來啦！
（然後冇眼睇！肉隨jump板上！>.<）
姑娘：點呀？痛唔痛呀？
（其實咪同平時差唔多，嚇我！=___=）
我：咁話一D都唔痛就厄你啦！咁點行呀？
姑娘：借對拖鞋比你啦！
我：不如坐輪椅啦！
姑娘：你行得洗鬼要輪椅呀？！
最後我龜速爬出去，老公又影相，但我覺得look似阿叔囉！=.=
之後都是等，我見附近有人係咁咳，我速速帶番個口罩，叫老公還是走吧！
後來被帶去一間獨立房休息，有床睡覺真好，之前在私家醫院都沒有呀！只是坐係度無無聊聊看下午的電視！想起那次在私院等到悶到爆，所以今次我拿埋個電話上床！之後有人進來替我打了造影水，叫我休息一會，一小時後會做個scan！
我send了個whatsapp給老公，告訴他情況，然後我竟然就...... 睡著了！直至一小時後有人進來叫：「李荔枝！」我就醒過來了！我想知... 其實打了什麼進來？咁好訓既？！o.O
Scan的過程半小時，但由於我仍好想訓，所以便繼續睡了！一睡，又半個鐘了！怎麼時間突然過得這麼快？！做完去番去坐，直至個lab的人說ok沒問題，姑娘便替我拔走個豆，然後可能趕收工，放低塊膠布便走了！
我覺得晚上的appointment又幾好喎！一來可以吃飽才來，二來少人和趕收工，明明說要預3-6小時做的，今次2.5小時便搞掂了！還有實Q護送去搭lift，因為他要鎖門了！XD
回到家，求其搵些野食！飲了少少湯，吃了一個自家製的紅豆包，還有John幾天前送給我的日本京都手信！:)
不過翌日還是晨咁早起床，7時許和老公去飲個早茶，補償番昨晚吃得不似樣！嘻嘻！
先後做了兩次PET scan，我比較喜歡在QEH做喎！時間短，又有間房比我訓，都不差呀！而且還免費的！:P
上一篇：「一次」電療
下一篇：及時行樂
沒有留言:
張貼留言