白血球不達標

2013年4月9日（星期二）

這天早上返QE驗血，下午看醫生！

早上驗血的時候，跟我幾好傾的護士說：「妳好似臉青左D喎！之前見妳塊臉紅D喎！」我說：「咁妳都睇到？！」敝莊主帶了帽子和口罩，得番對眼也看到我臉青？！o.O

但我覺得自己精神和狀態都幾好呀！我又食到野，勁有信心一定沒問題啦！:)

以前來醫院家姐或老公都會陪我，但也許來得太頻密，開始冇人理我！尤其抽下血見下醫生呢D小事！但團契的Candy有空來陪我喎！:D

她也真搞笑，帶了頂cap帽來，還保護自己帶口罩，結果，我覺得她似........ 院友！XDD

由於抽血後有太多時間，我們先吃了個早餐，過了半個鐘後再吃個午餐！見還有很多時間，我們就去了六樓的資源中心坐，起初拿不同的小冊子，之後玩了盤波子棋，然後再在reception拿了些奶粉sample！她還帶了團契寫給我的慰問卡！:)

下午見醫生，他竟然說：「妳白血球唔夠，唔做得喎！」完全沒想過會聽到這樣的說話，當場呆了！「下？！」

醫生說：「最少要1.5先可以做，但妳得1咋喎！」
我說：「差少少啫！」:'(
醫生說：「咁妳係咪想做呀？但白血球太低會易受感染，和亦有可能會發燒。」
我問：「咁點先可以升番？」
醫生又講癈話：「休息下抖下囉！化療將好的細胞都殺埋，咁妳身體要時間再製造... 下星期二再回來啦！」
我叫：「下？！要一個星期後？早D得唔得呀？星期五？星期一都好啦！」
醫生說：「有時差一日就係一日架喇！」

依！豈有此理！最後真的要下星期二！>:(

呀～！激死我喇！點解會唔達標架？！我明明有食野有休息呀！大部份時間已經在家啦！唔通早幾日落過街shopping就叫很操勞了？！但我都是買生活所需用品之嘛！>0<

星期三

翌日，我竟然一整天在家悶悶不樂！腦海總是一個疑問：為何會不達標架？！:'(

其實我想起要做化療就覺得又要去死一樣，但沒得做，即是整個療程又會拉長了！我想起我的11月大計，怕會被擔誤！:'(

哎呀！總之我想快點「埋單」呀！一開始就已經不達標，那之後的怎麼辦？！>.<

星期四

唔得！我要發憤圖強！我要食食食，是要比之前吃得更多！六哥～！打－邊－爐－啦！>0<

多謝天公做美，四月中的天氣竟然突然跌至16度，所以阿哥先睬我！:P

我豁出去喇！以前會很小心這個可以食，這個不要食！現在？戒口戒得咁清搞到唔達標，我唔理喇！牛？阿哥買了美國安格斯牛喎！個名聽起來似是好野，咁... 我食兩片啦！:D

黑魚丸？即是海鮮啦！係唔應該食，但阿嫂夾了給我，那吃一粒囉！:P

其餘？蕃茄、豆腐、生菜、菠菜、餃子可以放心吃，響鈴都是豆腐類啦！多油少少啫！食啦！貢丸，加工食物？是但啦！食啦！^0^

*******

平時一天吃一隻蛋白，現在兩隻啦！

平時都沒飲營養奶粉，一名康復者朋友說食到野就不用飲嘛！但我不斷正常地吃都比之前輕了3-4磅，重點是白血球不達標，所以我...... 飲！哼！

有什麼食療偏方也好，試試無妨！

另外，早點睡和多點休息可能都幫到製造白血球，所以我現在晚上十時許就去睡了！

下次驗血別告訴我不達標，否則我會發顛的了！>0<

（後記：一星期後再驗血，白血球有7呀！^0^）


上一篇：第一次踏出屋苑
下一篇：白血球達標了