日期：2012年5月6日（星期日）
地點：新娘潭
自從偶然間發現自己用「龜速蛙」游到1K後，便膽粗粗報了半奧的賽程！:D
以前最擔心是游水部份，只要活著上水，陸上的項目就不怕了！今次卻是最擔心單車部份，怕路窄和落斜速度快易有意外！賽前我每天都在擔心，甚至擔心到第一次叫團契的弟兄姊妹為我可安全完成而祈禱！>.<
第一次玩三鐵的Bib是100，第一次玩半奧的Bib是414！下？那即是「死喇死」？定「死實死」？@@ 我其實對數字並不迷信，半人半鬼的我就當這個是good number吧！4 = Fortune嘛！好野來的！哈哈！XDD
賽前一天，心情有如第一次玩三鐵！緊張、擔心、坐立不安... 最後都是要聽詩歌尋平安！老公對著我啼笑皆非！o.O
睡前老公說：「我今天聽了個講座幾好，其實你可以諗，你只是participate...」我說：「這是角度問題，我有另一個角度去看，就是for enjoyment！...當我游水的時候，I was thinking that's part of God's creation, I should enjoy it rather than to fear it! ...單車，其實我之前都同你講過，我一路踩一路唱詩歌！哈哈！ ...跑步，其實當我跑的時候，I was always counting what I have and thankful for it. I was counting one by one, such as I have legs that I can run, I have good friends who support me and share with me, I have good coach... I have... etc.」:)
比賽當日
玩全奧的水哥把我的單車運了來轉項區，早上五點幾打電話來告訴我覺得我架車不是很順，我說：「你係呢個時候同我講D咁既野？！」他說：「總之你來到的時候check下先啦！」@@
我register後拿拿去睇我架單車，哎呀！係好唔順！同埋上唔到最輕那三個波既？之前OK的啊！幸好英俊教練在附近，幫我搞番掂！起碼轉波沒問題喇！:)
在轉項區碰到同組的同學仔，她問我那400米會踩上去還是推車上？我說：「我都猶豫中，妳呢？」她說：「我男朋友叫我推，還不准我穿lock鞋！說其實推上去未必會慢過踩！」我說：「其實有人都跟我這樣說過，我都冇踩過那一段，其實我都驚... 咁我都係推喇！」
1. 游水 750m (1 lap)
出發前大家影張大合照！英俊教練依舊低低能能！XDD
其實我今次相信自己可以游得到的！不過一望浮波的位置... 天呀～！有冇咁遠呀？！（是相中盡頭的一小點！要click張相才勉強看得到！）差不多去到對面個島喇！突然覺得有些得人驚添！@@
5分鐘前落水試試！估唔到... 原來我仲會驚！游了幾步就嚇到游返岸！我想是未適應吧！但事到如今唯有再游多幾次啦！只要放鬆和呼吸節奏正常便行的了！:)
還有1分鐘，我和Cherry開始游出去！怎料，我都未游到起點就「咇」左了！呀！蝕左喇！>.<
游游下個頭撞了去第二個浮波！>.< 由這個浮波去到第三個，真係好遠！但當時只會想著朝著目標進發，keep著節奏，就算遠我都總會游到過去的！:)
終於U-turn返岸方向喇！我一直覺得好奇怪，好似唔係好覺我後面有救生艇？但我前方有兩隻喎！乜救生艇不是會跟在最後那個的嗎？難道沒人見到我？！以為前面已經是最後了？！o.O
雖然一直有這疑惑，不過我so far沒問題，就繼續向著標杆去喇！:)
上岸的時候，聽到很多人為我歡呼！那一刻勁開心呀～！^0^ 我游畢全程呀！沒扶過救生艇或浮波，大部份時候都用自由式，只用蛙式來定位！我想，這是我全日最開心的時刻！另外意外是竟然還有三個人慢過我呀！:D
2. 單車 20K (2 laps)
如常地，來到轉項區只剩下我一架單車！我拿著lock鞋，去到上車處才穿鞋！不過未lock實，一來我通常都不是一lock就lock到，二來那400米，我......推車上嘛！
架單車一開始就很不對勁！All the way都很嘈，這情況以前都不曾出現過！但在這個時候都不會深究這個問題，總之它不甩鍊轉到波，我不理它嘈不嘈，總之可以安全地完成就可以了！
上斜時要頂住不能洩氣，落斜時要非常集中！完成一圈時再來一個，跟自己說這個是最後了，要頂埋佢呀！
Thanks God so far架單車都沒事！最後落斜400米，要高度集中！真的很刺激！之後到下車位unlock對鞋和除鞋，赤腳跑去轉項區！
去到轉項區，發現我組別的單車全都返來了！
3. 跑步5K (1 lap)
由轉項區到水霸前有一條斜路，當我正爬緊上去的時候，見到剛完成了比賽的Ginny和英俊教練！英俊問：「你唔係呀嘛？而家先去跑？（我點頭）你唔好聽日先黎跑？！」哼！費事睬你！so far跟我預計的時間差不多啦！:)
我是日用的錶沒有GPS，所以其實我都不知自己pacing是什麼，不過按著狀態和感覺去啦！
見到對面線快完成的三才，他說：「跑快D啦！」我都是回應那句：「快得就快左啦！」=.=
每次見到有水站，我會飲一啖，然後將其餘的水倒頭降溫！明明全日都沒有太陽，怎麼跑步時就有？！曬鬼住晒！=___=
身邊突然有個好似識的人同我傾計，我不好意思但都要問：「你係邊位呀？」他說：「阿Lok呀！」阿Lok？咪就係上個月在科學園場三鐵賽有去那個？他件trisuit不是藍色的嗎？哎呀！我認衫唔認人，轉了衫我就不認得的了！@@
他說：「大家的pacing差不多喎！可以一齊跑！」唔係呀？咁神奇？竟然有人會跟我的pacing差不多？！o.O
見霸尾都就跑完了，怎麼還不見turning point的？是我看漏了嗎？但看時間又真的未夠喎！o.O
一直懷疑自己有否miss了個turning point，但當見到Cherry在對面線時，那即是我沒迷路！安心了！:D
水霸尾都跑完好一陣了，我問Lok：「個turning point係邊呀？仲未到既？」
他說：「差不多喇！前些就是了！」
過了turning point他望錶說：「pacing 5:13！不錯呀！keep住得的了！」我心想，唔係呀嘛？邊有呀？！如果真是5:13我邊會仲同你講到野呀？我記得我跑半馬時，5:30我已經差不多氣絕身亡了！我想這些數據都是參考啫！我覺得我跑緊6min/km囉！
為免影響人家，我都預先講聲：「如果你想加速的話你去得的了，我跟不到自然會閃開的了，你不用理我的！」:)
想不到最後大家仍可以拍住一起跑！見到繽紛組的turning point，那即是還有最後1K左右？雖然有水站，1K我唔飲喇！終點在望喇！衝埋佢啦！Lok去了飲水，從此大家就沒再相遇了！
最後1K加速，那麼最後幾百米就更加要啦！終點在前喇！突然見到前面個Bib跟我的很接近，那即是同組的？個腦還未轉到是誰的時候，她跟我說：「加油呀！」原來是同學仔來的！:D
衝衝衝！我的第一次半奧距離完成啦～！
休息一會後，便想起要去轉項區取回架單車！然後大家都說差不多走了，就在停車場等吧！
我和老公、水哥、Jeremy、阿宇在停車場等了良久都不見Ginny的蹤影，又說在停車場等？！Jeremy打電話給Ginny，她說：「荔枝有奬喎！上番黎啦！」
我的第一個反應是：「邊有可能呀？係咪搞錯人呀？！」o.O
Jeremy再三問Ginny：「Laichi LI喎？佢咪企係我前面囉！」
我半信半疑返上去停機坪，看看成績，咦？又真是我來的啊！第三名喎！
我的時間
Total Time: 02:00:05
Swim: 31:57
T1: 04:12
Bike: 52:16
T2: 04:34
Run: 27:08
賽後檢討
賽後看相見到自己上水那一刻很興奮，雖然是最後那幾個上水，但努力地完成了，還是感到很滿足！^0^
那張相remind了我一直以來的信念：只要我努力過、盡了力的話，就算我是最後一個完成，我還是會為自己感到自豪！
但嚴格來說，我今次未算有盡全力！那400米其實我賽前有不少機會可以去試踩和操練的，但我沒有試！因為每一次都驚死！我竟然連嘗試的勇氣都沒有，就這樣便放棄踩上去，最後這成了一個遺憾！:'(
賽前第一次踩新娘潭最落力，第二次已經留力，第三次已經不肯去！到比賽時踩第二轉時還跟自己說：「這是我最後一次踩新娘潭喇！比心機踩埋佢！我唔想再踩斜路喇！」>.<
曾以為我不會再來踩的了，但因為有這個遺憾，所以...... 我相信我會捲土重來！我一定會再來比賽的！到時就算慢我都一定會踩上那400米！我應該堅持番每一樣野都要盡力而為的原則！:')
花絮
謝謝火兄剪輯了兩輯相！一張capture了比賽當日各賽員，另一張capture了一名笑容甜美的日本美女！一般人比賽時都咬緊牙根、面容嚴肅，但這名日本選手竟然可以保持著甜美的笑容，一定是很享受比賽！值得學習！:)
第一次：2011.8.28 2xTri：科學園（繽紛組）
第二次：2011.9.25 Sportsoho：科學園（繽紛組）
第三次：2012.5.6 BOC體育節：新娘潭 （半奧）
沒有留言:
張貼留言